...

Rumıniya Konstansa-Triest neft kəmərinin tikintisi məsələsində Qazaxıstana ümid edir

Energetika Materials 3 Sentyabr 2008 12:02

Trend-i buradan izləyin

Qazaxıstan, Astana, 03 sentyabr / Trend , müxbir K.Konırova/ "Rompetrol" konserninin rumıniyalı menecerləri Konstansa-Triest neft kəmərinin tikintisində iştirak məsələsində Qazaxıstan tərəfinin müsbət qərarına ümid edirlər. Bu barədə şirkətin baş meneceri Dinu Patriçiu Rumıniyada "KazMunayqaz Ticarət Evi" SC-nin təşkil etdiyi press-tur zamanı Qazaxıstan jurnalistlərinin suallarına cavab verərkən bildirib.

"Bəli, biz bu layihə üzrə məsələnin müsbət həllində maraqlıyıq, bu, Asiyadan Avropaya enerji körpüsünün tərkib hissəsi olacaq. Bu, Burqas-Aleksandropulosa əla alternativdir", - deyə Patriçiu bildirib.

Onun sözlərinə görə, Konstansa-Triest layihəsi ideyası əvvəllər Nursultan Nazarbayevin Buxarestə səfəri zamanı iki ölkə liderinin görüşündə müzakirə olunub. Qazaxıstan lideri layihənin təhlilinin aparılması üçün ölkə qrumlarına göstəriş verib.

"KazMunayqaz" şirkəti ötən il Rumıniyanın "Rompetrol" şirkəti səhmlərinin 75 faizini əldə edib. Nəticədə, Qazaxıstan Şərqi Avropada iki NEZ, həmçinin Gürcüstandan Fransayadək yeddi ölkədə 630 yanacaq doldurma məntəqəsinə dərhal çıxış imkanı qazanıb.

Məqalə müəllifi ilə əlaqə ünvanı - [email protected]

Xəbər lenti

Xəbər lenti