...

Xarici şirkət səhmlərin qalan dörd faizini "KazMunayqaz"a satmayacaq

Energetika Materials 3 Sentyabr 2008 17:53 (UTC +04:00)

Trend-i buradan izləyin

Qazaxıstan, Astana, 03 sentyabr/ Trend , müxbir K.Konırova/Rumıniya tərəfi Rompetrol-un səhmlərinin qalan dörd faizini "KazMunayqaz"a satmaq niyyətində deyil, - qazaxıstanlı jurnalistlərə Konsernin Baş direktoru Dinu Patriçiu "Ticarət evi "KazMunayqaz"ın Rumıniyaya təşkil etdiyi mətbuat səfərinin gedişində deyib.

"Mən hələ ötən il dünyada maliyyə böhranının gəlişini hiss etdim və yaratdığım şirkətin saxlanılması üçün yollar axtarmağa başladım. Bizim iki variantımız var idi. Birincisi - Amerikanın bizim Konsernin səhmlərinin 40 faizinin alışına sərmayə qoya bilən sərmayə fondlarından birinə daxil olmaqdan ibarət idi. İkincisi -  bizə xammal mənbələrinə birbaşa yol açan strateji tərəfdaşla birləşmək. Nəticədə, seçim"KazMunayqaz"ın üzərində dayandı", - şirkətin Baş direktoru deyib. 

Patriçiunun sözlərinə görə, birinci halda rumın tərəfi qalan 60 faiz səhm üzərində nəzarətini saxlaya bilərdi.

"Lakin biz səhmlərin 75 faizini qazax şirkətinə satmaq qərarına gəldik, qalan 25 faizi isə, özümüzdə saxladıq. Biz 25 faizə sahib olmaqla, şirkət üzərində əməliyyat nəzarətini saxlayırıq və onu satmaq fikrində deyilik", - Patriçiu öz mövqeyini aydınlaşdırıb.  

"KazMunayqaz"şirkəti ötən ilin yayında rumın şirkəti Rompetrol-un səhmlərinin 75 faizini alıb.Nəticədə, Qazaxıstan Şərqi Avropada yerləşən iki neftayırma zavoduna və Gürcüstandan başlayaraq Fransayadək, yeddi ölkədə 630 yanacaqdoldurma məntəqələrinə çıxış əldə edib.

Xəbər lenti

Xəbər lenti