...

OPEK iştirakçıları neft hasilatı üzrə kvotanın endirilməsi təklifini dəstəkləməyəcəklər – Qərb eksperti

Energetika Materials 15 Oktyabr 2008 11:08 (UTC +04:00)

Azərbaycan, Bakı, 15 oktyabr/ Trend , müxbir A.Bədəlova/ İtaliyanın Bruno Leoni İnstitutunun Enerji Departamentinin direktoru Karlo Staqnaro (Carlo Stagnaro) hesab edir ki, OPEK-in iştirakçı dövlətləri kartel noyabrda hasilat üzrə kvotanı azaldacağı təqdirdə, bunu dəstəkləməyəcək.

"Mən hesab edirəm ki, hətta OPEK kvotanı azaldarsa, kartel üzvləri bunu dəstəkləməyəcəklər, belə ki, onların alternativ dəyəri olduqca yüksək olacaq", - deyə Trend -a çərşənbə günü elektron poçt ilə Staqnaro bildirib.

İraqın neft naziri Hüseyn əş-Şahristani bu həftə bildirib ki, OPEK noyabrın 18-də Vyanada keçiriləcək növbədənkənar sessiyada bazarlarda neft qalıqlarının yaranacağı və təkliflər tələbatı əhəmiyyətli dərəcədə üstələcəyi təqdirdə neft hasilatı həcminin azaldılmasına dair məsələni nəzərdən keçirəcək. Dünya maliyyə böhranı və onun neft bazarına təsiri sessiyada müzakirə mövzusu olacaq.

İtaliyalı ekspertin rəyinə görə, OPEK-in fəaliyyəti neftin qiymətlərini enmədən saxlaya bilməz.

"Son bir neçə ayda baş verənlərdən fərqli olaraq bu gün qiymətlər spekulyasiya ilə bağlıdır. Dünya iqtisadiyyatının artma perspektivləri o dərəcədə pisdir ki, treyderlər tələbat artımı gözləmirlər", - deyə Staqnaro bildirib.

Onun sözlərinə görə, onların şəxsi marağı qiymətlərin müqayisəli dərəcdə yüksək olmasına baxmayaraq, qiymətlər düşənədək nefti anbarlarda saxlamaqdan yox, mümkün olan qədər çox satmaqdan ibarətdir.

OPEK sonuncu dəfə sentyabr konfransında qiymətləri bir barel üçün 100 ABŞ dolları səviyyəsində saxlamaq üçün neft hasilatı həcmini sutkada 520 min barel azaldaraq 28,8 mln. barelədək endirməyə məcbur olub. Təşkilat iştirakçılarının rəyinə görə, bu, neft qiymətləri üçün ən münasib rəqəmdir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti