Azərbaycan, Bakı, 17 oktyabr / Trend / Cari ilin yanvar-sentyabrında Şəki elektrik stansiyasında təqribən 240 mln. kVt/saat elektrik enerjisi istehsal olunub ki, bu da proqnozlardan 22 mln. kVt/saat çoxdur. Bu barədə "Azərenerji" SC-nin cümə günü yayılan məlumatında bildirilir.
Sentyabrda elektrik stansiyasında təqribən 32 mln. kVt/saat elektrik enerjisi istehsal olunub. Bu göstərici proqnozlardan 2 mln. artıqdır.
Məlumatda bildirilir ki, stansiya payız-qış mövsümünə hazırlıq çərçivəsində lazımi ehtiyat hissələri və sürtkü yağı ilə təmin edilib. Aqreqatlarda təmir işləri aparılıb. Dörd 110 kVt-lıq elektrik ötürücü xəttlərdə təmir işləri həyata keçirilir.
87 meqavatt gücündə olan Şəki elektrik stansiyası 2006-cı ildə istifadəyə verilib və 10 aqreqatdan ibarətdir. Stansiyada istehsal edilən elektrik enerjisinin ötürülməsi üçün 19,2 km. uzunluğunda ikihalqalı 110 kilvoltluq elektrik ötürücü xətt çəkilib.