Azərbaycan, Bakı, 05 noyabr/ Trend / Cari ilin yanvar - avqustunda ABŞ Azərbaycandan 16,4 mln. barel neft idxal edib ki, bu göstərici 2007- ci ilin analoji dövründə 11,3 mln. barelə bərabər olub. Bu barədə ABŞ -ın Dövlət Enerji İnformasiyaları İdarəsinin (EIA) məlumatında bildirilir.
EIA - nın məlumatında bildirilir ki, 2007- ci ildə ABŞ Azərbaycandan 20,6 mln. barel neft idxal edib. Bu göstərici 2006 -cı ildə 9,7 mln. barel təşkil edib.
Nefti Türkiyənin Ceyhan limanına nəql edən Bakı -Tbilisi - Ceyhan boru kəməri Azərbaycan neftinin əsas ixrac marşrutudur.
Azərbaycanın yüngül nefti Gürcüstanın Supsa limanından da ixrac olunur, bura neft Bakı -Supsa boru kəməri ilə çatdırılır.
Neft, xammalın Bakıdan dəmir yolu vasitəsilə çatdırıldığı Gürcüstanın Qara dəniz Batumi limanı və neftin Bakı -Novorossiysk boru kəməri ilə tədarük olunduğu Novorossiysk limanlarından da ixrac olunur.
