Azərbaycan, Bakı, 20 noyabr / Trend / SOCAR şirkəti (Azərbaycan Dövlət Neft Şirkəti) "Günəşli -15" platformasında yüksək gəlirli neft quyusu istismara verib, - SOCAR-ın yaydığı məlumatda deyilir.
Fontanvurma üsulu ilə quyudan hər gün 150 ton neft və 40 min kubmetr qaz çıxarılır.
Quyunun dərinliyi 4150 metrdir. "Qırmakiüstü" lay dəstəsində qazmanı "Bayıl limanında kompleks qazma işləri" tresti aparır.
"Günəşli -15" platforması 1991-ci ildə istismara verilib. Burada 26 quyu qazılıb. Platformadan gündə 150 ton neft və bir milyon kubmetr təbii qaz hasil olunur.
"Günəşli" SOCAR-ın müstəqil şəkildə işlədiyi ən iri neft-qaz yatağıdır. SOCAR-ın hasil etdiyi bütün neftin 60 faizi və qazın ümumi həcminin 70 faizi bu yataqda yerləşir.
Müəlliflə əlaqə ünvanı: [email protected]
