Azərbaycan, Bakı, 20 noyabr/ Trend , müxbir E.İsmayılov/ Dekabrda SOCAR şirkətinin "Neft Daşları" neft-qaz çıxarma idarəsi (NQÇİ) 2214 saylı hasilat meydançasında üç neft quyusunu istismara verəcək, - SOCAR-da işlərə yaxın mənbə cümə axşamı bildirib.
"Quyuların mənimsənilməsi artıq başlayıb və ilin sonunadək onlar istismara veriləcək", - mənbə vurğulayıb. Quyuların hər birindən proqnozlaşdırılan sutkalıq hasilat 10 tonadək olacaq, - mənbə əvvəllər bildirib.
"Neft Daşları" yatağından sutkalıq neft hasilatı 2500 ton təşkil edir.
Bu tədbirlər Azərbaycan Respublikası prezidentinin Neft-Qaz Çıxarma Idarəsində neftin 812 min tondan 1,2 mln. tonadək (1,5 dəfə) atrırılması ilə bağlı sərəncamı çərçivəsində həyata keçirilir. 2008 - ci ildə yataqdan ümumi neft hasilatı 936 min 420 ton təşkil edəcək. NQÇİ 2009 - cu ildə neft hasilatını 1 mln. 20 min tonadək artırmağı planlaşdırır.
Müəlliflə əlaqə saxlamaq üçün elektron ünvan: [email protected]
