Azərbaycan, Bakı, 25 noyabr/ Trend , müxbir S.Əliyev/ "Azəri" yatağının mərkəzi hissəsində hasilatın bərpası cari ilin dekabrın sonuna planlaşdırılır, - hökumətdən çərşənbə axşamı bildiriblər.
"Azəri - Çıraq - Günəşli" yataqlarının işlənilməsinin operatoru BP şirkəti yatağın mərkəzi hissəsində hasilatın dayandırılmasına gətirmiş qaz tullantılarının səbəblərinin tədqiqini davam etdirir, - hökumətdən dəqiqləşdiriblər.
Hazırda "Azəri - Çıraq - Günəşli" yataqları blokundan neftin hasilat həcmi sutkada təxminən 650 min barel təşkil edir. Yataqdakı platforma dayandırılanadək bu rəqəm təxminən 900 min barel təşkil edib.
Layihənin operatoru BP şirkəti sentyabrın 17- də platforma yaxınlığında dənizdə qazın aşkar edilməsi ilə əlaqədar, "Mərkəzi Azəri" yatağında hasilatı dayandırıb və platformadakı personalı köçürüb. Ehtiyat məqsədilə yatağın qərb hissəsində "Qərbi Azəri" platformasında hasilat dayandırılıb. Lakin sonra bu pltaformadan hasilat bərpa edilib.
"Azəri - Çıraq - Günəşli" yataqları blokundan Bakı - Tbilisi - Ceyhan boru kəməri ilə ixrac edilən Azeri Light növlü neft hasil olunur.
Müəlliflə əlaqə saxlamaq üçün elektron ünvan: [email protected]
