Azərbaycan, Bakı, 25 noyabr/ Trend , müxbir S.Fətəliyev/ Qış aylarında Azərbaycanın şimal - qərb regionları fasiləsiz elektrik enerjisi ilə təmin ediləcək, - "Şəkienerjitəchizat" MMC-nin (paylayıcı şəbəkələri idarə edir) direktoru Həşəm Nəsibov bildirib.
MMC Azərbaycanın Şəki, Zaqatala, Balakən, Oğuz və Qazax rayonlarını elektrik enerjisi ilə təmin edir.
Qış mövsümünə hazırlıq çərçivəsində, Şəki şəhərində 265 kilometr kabel çəkilib, 1612 yeni dayaq, 10 yeni transformator quraşdırılıb. 106 transformator və 15,5 kilometr uzunluğunda 110 kVt xətlər təmir edilib.
Zaqatala rayonudna 123 kilometr kabel çəkilib, 200 dayaq əvəzlənib, 4 yeni transformator quraşdırılıb, 51 transformator təmir edilib, 34,6 kilometr uzunluğunda 110 kVt xətlər təmir edilib. Qışa hazırlıq çərçivəsində, Balakən rayonunda iki yeni transformator quraşdırılıb, 26 transformator və 35,6 kilometr uzunluğunda 110 kVt xətlər təmir edilib.
Oğuz rayonunda 17 km kabel çəkilib, 166 dayaq əvəzlənib, 64 transformator təmir edilib. Qazax rayonunda təmir edilən transformatorların sayı 60 - a bərabər olub.
Bu regionda bərpa işləri davam edir.
Müəlliflə əlaqə saxlamaq üçün elektron ünvan - [email protected]
