Azərbaycan, Bakı, 28 noyabr/ Trend / "SOCAR şirkəti (Azərbaycan Dövlət Neft Şirkəti) gələn ilin birinci yarısında "Neft Daşları" dəniz yatağından aşağı təzyiqli səmt qazının sutkalıq yığımı və ölkənin qaz sisteminə verilişini 200-250 min kubmetr artıracaq", - SOCAR-ın Neft və Qaz İdarəsinin rəisi Rəhman Qurbanov bildiirb.
Hazırda yataqdan hasil edilən 700 min kubmetrədək qaz əlavə sıxılmadan keçir və ölkənin qaz sisteminə verilir.
"Həmçinin yaxın vaxtlarda yataqda yeni №2415 və №2521 platformalarını istismara vermək planlaşdırılır. Onların hər birindən 12 yeni quyu qazmaq planlaşdırılır", - Qurbanov deyib. Hazırda "Neft Daşları" yatağından sutkalıq neft hasilatı təxminən 2,5 min ton təşkil edir.
Bu tədbirlər Azərbaycan Respublikası prezidentinin Neft-Qaz Şıxarma İidarəsində neftin 812 min tondan 1,2 mln. tonadək (1,5 dəfə) atrırılması ilə bağlı sərəncamı çərçivəsində həyata keçirilir.
SOCAR geoloqlarının hesablamalarına görə, "Neft Daşları" yatağında neft ehtiyatlarının qalıq həcmi 30 milyon ton təşkil edir. SOCAR yataqda neft hasilatının artırılması üçün 2010-cu ilədək daha 78 yeni quyu qazacaq.
Qurbanovun sözlərinə görə, SOCAR şirkəti 2008-2009-cu illərin payız-qış mövsümünə hazırlıq proqramını tam yerinə yetirib.
