Azərbaycan, Bakı, 12 dekabr/ Trend , müxbir E.İsmayılov/ ""Azərenerji" SC ilin sonunadək tikilməkdə olan elektrik stansiyalarından birini - Səngəçal və ya Sumqayıt elektrik stansiyasının istismara verməyi planlaşdırır", - "Azərenerji"nin rəhbəri Etibar Pirverdiyev cümə günü bildirib.
"Hazırda həm Sumqayıt, həm də Səngəçal elektrik stansiyalarının tikintisi başa çatmaq üzrədir. Onlardan birinin bu il istismara veriləcəyi gözlənilir", - "Azərenerji"nin rəhbəri dəqiqləşdirib.Sumqayıt elektrik stansiyasının gücü 525 MVt təşkil edir. Mütəxəssislərin proqnozlarına görə, bu stansiyanın illik istehsal gücü 3,8 mlrd. kVt/saata çatacaq. 1 kVt/s elektrik enerjisinin istehsalına çəkilən xərclər 230 qram yanacağa bərabər olacaq. Stansiyanın qaz yanacağına olan illik tələbatı - 630 mln. kubmetr. Buxar-qaz qurğusunun tikintisi layihəsi 257 mln. avro dəyərləndirilir.Bayern LB bank (Almaniya, Societe de General (Fransa) və BNB Paribas (Fransa) bankları ilə maliyyələşdirmə üzrə saziş imzalanıb. Hər üç bank 15 il müddətinə (ilk üç il güzəştli əsasda), libor +0,55 faiz kredit dərəcəsi ilə, bərabər payda vəsait ayıracaqlar. Bu layihə çərçivəsində 107 km yüksəkvoltlu elektrik ötürücü xətlərinin çəkilməsi də nəzərdə tutulur. Bundan başqa, qazın elektrik stansiyasına verilməsi üçün qaz kəməri çəkiləcək. Onun dəyəri 30 mln. avro qiymətləndirilir.
Səngəçaldakı elektrik stansiyasının tikintisi ilə Finlandiyanın Wartsila şirkəti məşğul olur. Elektrik stansiyasının gücü 300 MVt-dən çox təşkil edir. Fin şirkəti modul elektrik stansiyasının qazdan mazuta və əksinə qoşulmasının yeni texnologiyasını təklif edib və bu, prosesi nəzərəçarpacaq dərəcədə sürətləndirəcək. Əvvəllər şirkət qoşulma üçün 24 saat müddət təklif edib. Hazırda bu vaxt yarım saatadək azaldılıb. Stansiya 18 aqreqatdan ibarətdir.
Müəlliflə əlaqə saxlamaq üçün elektron ünvan: [email protected]