Azərbaycan, Bakı, 18 dekabr/ Trend , müxbir E.İsmayılov/ "Azərbaycanın Dövlət Dəmir Yolu İdarəsi (ADDYİ) 50 yeni lokomotivin alınması zamanı Cənubi Koreya şirkətinin istehsalı olan qatarlara üstünlük verəcək", - ADDYİ- nin mətbuat xidmətinin rəhbəri Nadir Əzməmmədov cümə axşamı məlumat verib.
Bu qərar Koreyanın Daewoo və Hundai şirkətlərin nümayəndələri ilə cümə axşamı Bakıda, ADDYİ- də keçirilən görüşdə qəbul edilib.
"Azərbaycan Dəmir Yollarının gələcəkdə də bu şirkətlərin istehsalı olan lokomotivlər alacağı barədə razılıq əldə edilib", - Əzməmmədov bildirib.
Cənubi Koreya lokomotivlərinin dəyəri ADDYİ-ni qane edir. Yeni qatarların mümkün qiyməti açıqlanmır, - Əzməmmədov vurğulayıb.
Onun sözlərinə görə, dəyişən cərəyanda işləyən lokomotivlərin dəyəri çox yüksək olduğu üçün aşağıdakı qərar qəbul edilib: yeni lokomotivlərin 70 faizi daimi cərəyanda, 30 faizi dəyişən cərəyanda işləyəcək, - mətbuat xidmətinin rəhbəriqeyd edib.
Koreya tərəfinin dəvəti ilə Azərbaycan dəmiryolçularının nümayəndə heyəti daimi cərəyanda işləyən lokomotivlərin işini öyrənmək üçün Koreyaya yola düşəcək.
Müəlliflə əlaqə saxlamaq üçün elektron ünvan: с[email protected]