Azərbaycan, Bakı, 09 yanvar/ Trend , müxbir E.İsmayılov/ Neftin orta qiyməti bir barelə görə 50 dollar olmaqla və Azərbaycanın dövlət büdcəsinə transfertlər həyata keçirildikdən sonra, 2009 - cu ildə Dövlət Neft Fondunun (ARDNF) aktivləri 20 mlrd. dollar təşkil edəcək, - ARDNF - ın rəhbəri Şahmar Mövsümov Euromoney jurnalına müsahibəsində bildirib.
Onun sözlərinə görə, neftin orta qiyməti bir barelə görə 40 dollar olmaqla, 15 il ərzində Fond 200 mlrd. dollar vəsait alacaq. Fond, bu vəsaitlərin böyük hissəsini yaxın bir neçə il ərzində, Azərbaycanda hasilat öz zirvəsinə çatan vaxtda alacağını gözləyir.
2008 - ci ildə Azərbaycanın Dövlət Neft Fondunun (ARDNF) aktivləri 2,5 mlrd. dollardan 11 mlrd. dollaradək artıb.
Onun sözlərinə görə, 2008 - ci ilin sentyabrında neftin bir bareli 100 dollar olanda, ARDNF - ın aylıq daxilolmaları 2,5 mlrd. dollara çatırdı.
"Lakin hətta neftin qiyməti bir barelə görə 50 dollar olan vaxtda, Fonda daxilolmalar ayda 700 mln. dollar təşkil edir", - Mövsümov bildirib.
Yanvarın 9 - na olan cari mübadilə məzənnəsi -- 0,8017 AZN/USD.
Müəlliflə əlaqə saxlamaq üçün elektron ünvan: [email protected]
