Azərbaycan, Bakı, 22 yanvar/ Trend /
SOCAR şirkətinin (Azərbaycanın Dövlət NEft Şirkəti) Neft - Qaz Çıxarma Idarələri 2008 - ci ildə ölkənin offşor və onşor yataqlarından təxminən 54,5 mln. barel (7,4 mln. tondan çox) hasil ediblər. 2007 - ci ildə bu rəqəm təxminən 56 mln. barelə (7,6 mln. ton) bərabər olub, - SOCAR - dan bildiriblər.
SOCAR-ın əcnəbi şirkətlərlə birgə layihələrinin payına təxminən 14,14 mln. barel düşür. Bu həcmin 1,8 mln. bareldən çox hissəsi - əməliyyat şirkətləri, təxminən 11,25 mln. bareli - "Azəri - Çıraq - Günəşli" layihəsi, 1 mln. bareldən çox - "Şahdəniz" qaz - kondensat yatağının payına düşür.
Ötən il SOCAR - ın Neft - Qaz Çıxarma Idarələri 2007- ci ildəki təxminən 5,9 mlrd. kubmetrə qarşı 7,6 mlrd. kubmetrdən çox hasil ediblər. Quruda qaz hasil edən birgə müəssisə və əməliyyat şirkətləri 2008 - ci ildə SOCAR - a 68,72 mln. kubmetr qaz veriblər.
Azərbaycan Beynəlxalq Əməliyyat Şirkəti
(ABƏŞ) 2008 - ci ildə "Azəri - Çıraq - Günəşli"
yataqlarından SOCAR üçün 2,1 mlrd. kubmetrdən
çox səmt qazı hasil edib. 2007 - ci ilin analoji
dövründə bu rəqəm təxminən 2,4 mlrd. kubmetr
olub.
Azərbaycanda, 18 - i dənizdə, qalanı quruda yerləşən, 57 neft - qaz yatağı var.
Bu gün SOCAR - ın əməkdaşlarının ştatı təxminən 63 min nəfər təşkil edir.