Azərbaycan, Bakı, 09 fevral/ Trend , müxbir V.Şərifov/ Gaz De France Suez şirkəti yaxın vaxtlarda Azərbaycanın SOCAR və Fransanın TOTAL şirkətləri arasında imzalanacaq Azərbaycanın "Abşeron" dəniz qaz blokunun işlənməsi üzrə PSA tipli müqavilədə iştirak payının əldə edlməsi üçün danışıqlar aparır. Bu barədə bazar ertəsi məlumatlı mənbədən bildiriblər.
SOCAR və Total "Abşeron" blokunun işlənməsi üzrə PSA müqaviləsi çərçivəsində əməli olaraq bütün məsələlərin razılaşdırılmasını başa çatdırıblar.
Şirkətlər arasında müqavilə Bakıda təqribən fevralın sonlarında imzalanacaq.
Bir neçə il bundan öncə xarici şirkətlər tərəfindən bu blokun öyrənilməsi cəlbedici karbohidrogen ehtiyatlarının aşkarlanmaması səbəbindən dayandırılıb.
TOTAL "Abşeron" bloku ilə tanışdır. Belə ki, layihə bağlanmazdan öncə SOCAR və Amerikanın layihənin operatoru olan ChevronTexaco şirkəti ilə layihə üzrə birgə iştirakçı olub.
Quyular qazıldıqdan sonra orada aşkarlanan ehtiyatlar kommersiya baxımından cəlbedici hesab olunmayıb.
Məqalə müəllifi ilə əlaqə ünvanı - [email protected]
