Azərbaycan, Bakı, 17 fevral / Trend , müxbir A.Bədəlova/ OPEK-in proqnozlarına görə, 2009-cu ildə Azərbaycan tərəfindən neft tədarükləri 180 min barel artaraq sutkada 1,05 mln. barelə çatacaq. Bu göstərici OPEK-in ötən ay proqnozlaşdırdığı həcmdən sutkada 23 min barel azdır.
Kartelin neft bazarı üzrə fevral məruzəsində bildirilir ki, cari ilin birinci rübündə ölkənin tədarük həcmi sutkada 1 milyon, ikinci rübdə 1,06 milyon, üçüncü rübdə 1,05 milyon, dördüncü rübdə isə 1,1 mln. barel təşkil edəcək.
Qazaxıstan tərəfindən neft tədarükləri OPEK-in proqnozlarına görə, bu il 100 min barel artaraq sutkada 1,52 mln. barelə çatacaq ki, bu da kartel tərəfindən ötən ay proqnozlaşdırılan həcmdən 38 barel çoxdur. 2009-cu ildə maksimal tədarük səviyyəsi dördüncü rübdə sutkada 1,61 mln. barel səviyyəsində müşahidə olunacaq.
OPEK-ə daxil omayan ölkələrin ümumi tədarük həcmləri 2009-cu ildə sutkada 50,89 mln. barel səviyyəsində pronozlaşdırılır ki, bu da ötən ilin həcmlərindən 0,55 mln. barel azdır. Bu həcmin sutkada 12,72 mln. bareli keçmiş Sovet ölkələrinin, sutkada 19,5 mln. bareli isə İqtisadi Əməkdaşlıq və İnkişaf Təşkilatının payına düşəcək.
Məqalə müəllifi ilə əlaqə ünvanı: [email protected]