Rusiya, Moskva, 22 aprel / Trend , müxbir İ.Braqina /
Rusiyanın Qaz Cəmiyyətinin prezidenti Valeri Yazev ilə Trend -ın müsahibəsi.
- Azərbaycan qazının Rusiyaya hansı tədarük perspektivlərini görürsünüz?
- Rusiyanın Azərbaycan ilə olduqca konstruktiv münasibətləri var. Mən inanıram ki, biz ciddi sənədlər imzalayacağıq. Düzdür, hazırda konkret forma və şərtlər barədə danışmaq tezdir. Güman edirəm ki, yaxın vaxtlarda vəziyyət aydınlaşacaq.
- Texniki imkanlar Azərbaycan ilə Rusiya arasında mövcud olan boru kəməri sistemi vasitəsilə nəzərdə tutulan qaz həcmini nəql etməyə nə dərəcədə imkan verir?
- Azərbaycanın ixrac imkanları "Şahdəniz" yatağının işlənməsi üzrə işlərin inkişafı fonunda artacaq və təqribən beş ildən sonra son həddinə çatacaq. Nəqliyyat imkanlarına gəldikdə isə, hazırda onlar hasilat imkanlarından əhəmiyyətli dərəcə yüksəkdir, doğrudur, Rusiyaya gedən boru kəmərinin təmirə ehtiyacı var.
Mən əminəm ki, Azərbaycan Rusiyanın qaz şirkətinə ("Qazprom") satmaq üçün ehtiyatlar tapa bilər. Mənim ekspert anlayışımda, Rusiya Azərbaycan qazına görə maksimum yüksək qiymət təklif etməlidir və boru kəməri infrastrukturunu təkmilləşdirməklə özünə lazım olan xammalı əldə etməlidir.
- Belə olan halda, "Qazprom"un, boru kəmərinin Azərbaycan ərazisinə düşən hissəsinin də təmirinə sərmayə yatıracağına ümid etmək olarmı?
- Düşünürəm ki, bu kimi işlər tamamilə mümkündür və yerinə düşərdi.
- Azərbaycanın Rusiyaya qaz nəqlində iştirakı Avropa İttifaqının enerji təhlükəsizliyinin təmin edilməsi üzrə Avropanın mövqeyini sual altına almazmı?
- Rusiya və Azərbaycan qaz istehsalçsı kimi konstruktiv əməkdaşlıq qurmalıdır. Bu məsələdə Avropanın məqsədi nədir? O, qaz istehsalçılarını parçalamaq, hər bir ölkə ilə ayrılıqda iş aparmaq üçün onlar arasında ziddiyyət yaratmağa çalışır.
Bu, hardasa təhdid etməklə, hardasa şirnikləndirməklə həmin Rusiya, Azərbaycan və Türkmənistan arasında yaranan ziddiyyətlərdə oynamaq niyyətində olan istehlakçılar kartelidir. Bundan yalnız bizim ölkələr ziyan çəkəcək.
Avropanın Transxəzər boru kəməri tikmək istəyinə gəldikdə isə, zənnimcə, bu, Xəzər dənizinin statusu nizamlanmayına qədər reallaşdırıla bilməz.
Bizim ölkələr öz mövqelərini dəqiq razılaşdırmalıdırlar. Azərbaycan coğrafi baxımdan regionun qaz hasil edən ölkələrindən Avropaya daha yaxındır və buna görə Moskva üçün Bakı ilə enerji dialoqu qurmaq olduqca vacibdir.
Məqalə müəllifi ilə əlaqə ünvanı - [email protected]
