Azərbaycan, Bakı, 21 may / Trend , E.İsmayılov /
SOCAR şirkəti (Azərbaycan Dövlət Neft Şirkəti) yanvar-apreldə Gürcüstan bazarında Azərbaycanda istehsal olunan 127 min ton neft məhsulları satıb. Bu barədə SOCAR Energy Georgia şirkətinin (SOCAR-ın Gürcüstanda törəmə müəssisəsi) rəhbəri Mahir Məmmədov bildirib.
"Bu dövrdə Gürcüstanda 127 min ton müxtəlif neft məhsulları satılıb ki, onun təqribən 90 faizi benzin və dizel yanacağının payına düşüb", - deyə Məmmədov bildirib.
Onun sözlərinə görə, Gürcüstan bazarında benzin və dizel yanacağı praktiki olaraq eyni miqdarda satılır, neft məhsullarının qalan hissəsi aviasiya kerosini, maye qaz və mazutun payına düşüb. Bu məhsullar Gürcüstan bazarında cüzi miqdarda satılır.
Orta hesabla hər ay Gürcüstanda təqribən 30-31 min ton neft məhsulları satılır.
Şirkət rəhbərinin bildiridiyinə görə, hazırda Gürcüstan bazarında neft məhsullarına tələbat 5-10 faiz azalıb.
Məmmədov bildirmişdi ki, SOCAR Energy Georgia 2009-cu ildə Gürcüstanda ümumilikdə 400 min ton Azərbaycan istehsalı olan neft məhsulları satmağı planlaşdırır.
2008-ci ildə Gürcüstana 2007-ci ilin 196 min tonuna nisbətdə 400 min ton Azərbaycan neft məhsulları ixrac olunub.
Məmmədov əvvəllər bildirib ki, Azərbaycanın neft məhsulları Gürcüstan bazarının təqribən 50-60 faizini təmin edir. Azərbaycanın dizel yanacağı bazarın təxminən 60 faizini, benzin isə 52-55 faizini tutur.
Yanvar-apreldə SOCAR şirkətinin tərkibinə daxil olan Azərbaycan neft emalı zavodlarında (NEZ) ümumi neft emalı həcmi 2 mln. ton, 2007-ci ilin analoji dövründə isə təqribən 2,5 mln. ton təşkil edib.
2008-ci ildə Azərbaycan NEZ-ləri təqribən 7,35 mln. ton neft emal edib.
Azərbaycanda neft məhsulları ümumi istehsal gücü ildə 20 mln. ton neft olan Bakının iki neft emalı zavodunda istehsal olunur. Hər iki NEZ hər il şəxsi vəsaitləri hesabına quru və dənizdə yerləşən yataqlardan hasil etdiyi təqribən altı mln. ton nefti emal edən SOCAR-ın tərkibinə daxildir.
Məqalə müəllifi ilə əlaqə ünvanı: [email protected]