Azərbaycan, Bakı, 30 may / Trend , müxbir E.İsmayılov /
"SOCAR şirkətinin "Azneftyağ" Bakı Neft-Emalı Zavodunda yeni qurğuların tikintisi planlaşdırılmır", - şənbə günü zavodun direktoru Əkbər Hacıyev deyib.
"Müəssisənin balansında olan qurğular mütəmadi olaraq təmir olunur. Onların durumu Azərbaycanda yeni neft-emalı kompleksinin tikintisinə qədər yaxşı səviyyədə saxlanılmalıdır", - Hacıyev bildirib.
Bu il Azərbaycan NEZ-lərində neft emalı həcminin azalması müşahidə olunur ki, bu da xarici satış bazarların məhdudlaşması ilə bağlıdır.
"Dünya iqtisadi-maliyyə böhranı səbəbindən bir çox bazarlar bağlanıb", - Hacıyev qeyd edib.
SOCAR neft emalı müəssisələri, qaz emalı zavodu, neft-kimya müəssisəsi və gübrə istehsalı zavodundan ibarət yeni neft-kimya kompleksi yaratmaq fikrindədir. Bu layihə SOCAR-ın hər iki NEZ-nin Bakıda yerləşməsi səbəbindən, bu şəhər daxilində tikiləcək. Yeni kompleksin tikintisi zamanı hər iki zavod söküləcək və onların avadanlıqlarından istifadə olunmayacaq.
Layihənin ilkin qiyməti 22 milyard avrodur.
Azərbaycanda iki Neft Emalı Zavodu (NEZ) fəaliyyət göstərir. İki zavodun məcmu gücü - ildə 20 milyon tondur. NEZ-lər öz vəsaitləri hesabına dəniz və qurudakı yataqlardan əldə etdiyi ildə 7 milyon ton nefti emal edən SOCAR-ın tərkibinə daxildir.
Yanvar-aprel aylarında bu NEZ-lərdə 2 milyon ton neft emal edilib. Ötən ilin analoji dövründə bu rəqəm təxminən 2,5 milyon ton olub.
Məqalə müəllifi ilə əlaqə ünvanı: [email protected]
