...

SOCAR "Qaradağ" yeraltı qaz anbarının genişləndirilməsinin qiymətini açıqlayıb

Energetika Materials 6 İyun 2009 11:32 (UTC +04:00)

Azərbaycan, Bakı, 05 iyun / Trend , müxbir E.İsmayılov /

SOCAR-ın (Azərbaycan Respublikası Dövlət Neft Şirkəti) Neft-Qaz Tikinti İnstitu tərəfindən hazırlanmış texniki-iqtisadi əsaslara uyğun olaraq "Qaradağ" yeraltı qaz anbarının həcminin genişləndirilməsinin ümumi dəyəri 75 milyon manat təşkil edir, SOCAR-ın rəsmi sənədlərində bildirilir. 

Qaz anbarının genişləndirilməsinin iki mərhələ üzrə həyata keçirilməsi nəzərdə tutulub. Birinci mərhələdə onun həcminin əvvəlki 500 milyon kubmetrə nisbətdə 1,4 milyard kubmetrə kimi artırılmasını nəzərdə tutulur.

Qaz anbarının həcminin genişləndirilməsi üzrə birinci mərhələnin smeta dəyəri 48,3 milyon manat təşkil edir. Faktiki xərclərin ölçüsü 32,1 milyon manat təşkil edir. Birinci mərhələ üzrə qalıq 16,2 milyon manata bərabərdir.  

Birinci mərhələ çərçivəsində qaz doldurulmasının həcminin sutkada yeddi milyon kubmetrə kimi artırılması planlaşdırılır. Bu işlərin kompressor stansiyasının qaz anbarının tikintisi hesabına həyata keçirilməsi planlaşdırılır. Hazırda bu stansiyanın tikintisi üzrə işlər davam etdirilir. 

SOCAR-ın geologiya, geofizika və yataqların işlənməsi üzrə birinci vitse-prezidenti Xoşbəxt Yusifzadənin əvvəlcədən bildirdiyi kimi, qaz anbarının həcminin artırılması üzrə birinci mərhələ çərçivəsindəki işlərin 2010-cu ildə qaz doldurulması mövsümünün sonuna kimi (mart-aprel) tamamlanacağı planlaşdırılır.

Artıq 22 quyuda təmir işləri aparılıb və 32 quyuda qazpaylaşdırıcı məntəqə tikilib, 52 kilometr uzunluğunda boru kəməri salınınıb. Bu barədə rəsmi sənədlərdə bildirilir.

Qaz anbarının həcminin genişləndirilməsi üzrə ikinci mərhələ çərçivəsində onun aktiv həcminin 2,3 milyard kubmetrə kimi artırılması planlaşdırılır. İkinci mərhələ üzrə işlərə birinci mərhələ tamamlanandan sonra başlanılacaq.

Azərbaycanda iki yeraltı qaz anbarı mövcuddur ki, onlardan biri də "Kalmaz" qaz anbarıdır. Bu qaz anbarının aktiv gücü 1,1 milyard kubmetr qaza bərabərdir.

Yay mövsümündən qalan artıq qazın qış mövsümünə kimi saxlanılmasında yeraltı qaz anbarları Azərbaycan üçün mühüm xarakter daşıyır.

2008-2009-cu ilin payız-qış mövsümündə yeraltı qaz anbarına ümumilikdə 1,4 milyard kubmetr qaz doldurulub. 2009-2010-cu illərin payız-qış mövsümü ərzində qaz anbarına qaz doldurulması prosesi artıq başlayıb. Bu ildə yeraltı qaz anbarına 1,4-1,5 milyard kubmetr qazın doldurulması planlaşdırılır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti