Azərbaycan, Bakı, 06 iyun / Trend /
SOCAR yanvar-may aylarında Bakı-Novorossiysk boru kəməri ilə 2008-ci ilin analoji dövründəki 568 min tona nisbətdə 1 milyon ton neft ixrac edib. Bu barədə SOCAR-ın məlumatında deyilir.
May ayında neft kəməri ilə 224 min ton neft ixrac olunub.
2009-cu ildə SOCAR, Bakı-Novorossiysk boru kəməri ilə ixracın həcmini 2008-ci ildə olan 1,3 milyon tona nisbətdə 2,5 milyon tona kimi artırmaq niyyətindədir.
2007-ci ildə bu marşrut üzrə 1,2 milyon ton neft ixrac edilib ki, bu da 2006-cı ilin göstəricisi ilə eynidir. 2005-ci ildə Bakı-Novorossiysk boru kəməri ilə neft ixracı 1,6 milyon ton təşkil edib.