Azərbaycan, Bakı, 09 iyul / Trend /
Bu ilin ilk yarımilində ARDNŞ-in (Azərbaycan Respublikası Dövlət Neft Şirkəti) tərkibinə daxil olan "Heydər Əliyev adına" Bakı neft emalı zavodu (NEZ) (keçmiş "Azneftyanacaq") 25,61 min ton neft koksu istehsal edib. 2008-ci ilin müvafiq dövründə bu göstərici 78 min ton olub. Bu barədə ARDNŞ-dan məlumat verilib.
İyunda ARDNŞ 1,78 min ton neft koksu istehsal edib.
2008-ci ildə Bakı NEZ-i 168,93 min ton neft koksu istehsal edib. 2007-ci ildə bu göstərici 84,74 min ton təşkil edib.
2006-cı ildə isə 67,24 min ton neft koksu istehsal olunub. 2005-ci ildə müəssisələrdə neft koksu istehsal olunmayıb. Azərbaycanda istehsal olunan neft koksunun əsas istehlakçıları Rusiyanın alüminium zavodlarıdır.
