Azərbaycan, Bakı, 21 avqust / Trend , müxbir E.İsmayılov /
Gürcüstanın Müstəqil Dövlətlər Birliyindən (MDB) çıxması ARDNŞ-in bu ölkədə fəaliyyətinə heç bir təsir göstərməyəcək, cümə günü neft-qaz bazarındakı mənbə bildirib.
"Azərbaycan və Gürcüstanı ikitərəfli strateji münasibətlər birləşdirir, buna görə Gürcüstanın MDB-dən çıxması ARDNŞ-in bu ölkədə fəaliyyətinə təsir göstərməyəcək", - mənbə bildirib.
ARDNŞ Gürcüstanın daxili bazarında iri qaz tədarükçüsüdür, yanacaq doldurma məntəqələrinə malikdir, burada Azərbaycanın neft məhsullarının satışı ilə məşğul olur. Eyni zamanda, Gürcüstan ərazisindən iki boru kəməri, Bakı-Tbilisi-Ceyhan neft kəməri və Bakı-Tbilisi-Ərzurum qaz kəməri keçir. Bu boru kəmərləri vasitəsilə "Azəri-Çıraq-Günəşli" və "Şah Dəniz" dəniz yataqlarında hasil edilən Azərbaycan nefti və qazı nəql olunur. Azərbaycan bu yataqları xarici şirkətlər ilə birlikdə işlədir.
ARDNŞ Gürcüstanda neft və neft məhsullarının distribusiya və marketinqi ilə məşğul olan törəmə müəssisə Energy Georgia ilə təmsil olunur. Şirkət Gürcüstana qaz satılması ilə də məşğul olur. ARDNŞ Georgia-in həmtəsisçiləri ARDNŞ (51 faiz), Petro-Trans FZCO (32,7 faiz) və İavn Çxartişvilidir.(16,3 faiz).
ARDNŞ həmçinin Gürcüstanın Qara Dəniz sahilində Kulevi neft terminalının sahibidir.
Azərbaycan və Gürcüstan eyni zamanda nəqliyyat sahəsində də əməkdaşlıq edirlər, Bakı-Tbilisi-Qars dəmir yolunun inşası layihəsi həyata keçirilir. Bu yolun Gürcüstan hissəsinin inşası Azərbaycan Dövlət Neft Fondu tərəfindən 25 il müddətinə illik bir faiz dərəcəsi ilə ayrılan 200 milyon dollar həcmində kredit hesabına həyata keçirilir.
Gürcüstan 2008-ci ilin avqust ayında baş verən Cənubi Osetiya müharibəsindən sonra MDB-dən çıxmağa qərar verib. MDB-nin Nizamnaməsinə əsasən, MDB-dən çıxmaq üzrə rəsmi işlər 12 ay davam edir. Avqustun 18-dən etibarən Gürcüstanın MDB-nin üzvlüyündən çıxacaq. Bu tarixdən etibarən o, Birlik çərçivəsində qəbul edilən 75 müqavilədə iştirakını davam etdirəcək, 400 müqavilədə isə iştirakını davam etdirə bilməyəcək.
Məqalə müəllifi ilə əlaqə ünvanı: [email protected]
