Qazaxıstan, Astana, 28 avqust / Trend , müxbir K.Konırova /
"QazMunayQaz" MŞ SC hələlik Rumıniyadakı "törəməsi" - The Rompetrol Group NV-nin inkişafına vəsait qoymayacaq. Bu barədə Trend -ın xüsusi müxbirinə müsahibəsində Milli Şirkətdəki mənbə məlumat verib.
"İndi Rompetrolu inkişaf etdirmək üçün heç bir əsas və perspektiv yoxdur. Tapşırığımız bu səviyyədə qalmaqdır", - "QazMunayQaz" nümayəndəsi deyib.
Bir müddət əvvəl məlumat verildiyi kimi, "QazMunayQaz" "Petromidiya" NEZ-in yenidən qurulması və Rompetrolun Rumınya və 12 Avropa ölkəsində yanacaq doldurma məntəqələrinin şəbəkələrinin genişləndirilməsi üzrə investisiya proqramı həyata keçirir.
Onun sözlərinə görə, bu gün Avropa bazarı neft emalı üçün əlverişli deyil.
"Hazırda Avropada bütün şirkətlər böyük zərərlə işləyir. Avropa böhrandadır və neft məhsullarına tələbat dəhşətli dərəcədə aşağı düşür. Hamı zərərə uğrayır. Rompetrol isə Avropa iqtisadiyyatına inteqrasiya edib və biznesin Avropa qanunlarına tabe olur. Bu vəziyyətdə Rompetrolun inkişafı üçün əsas yoxdur", - mənbə deyib.
Bir müddət əvvəl məluamt verildiyi kimi, bu il iyunun sonunda "QazMunayQaz" MŞ və Rompetrol Holding The Rompetrol Group NV-in qalan 25 faizlik səhmlərinin "QazMunayQaz" tərəfindən alınmasının başa çatdığını elan ediblər. Bu sövdələşmənin nəticəsində "QazMunayQaz" TRG səhmlərinin 100 faizlik sahibidir.
"QazMunayQaz" MŞ SC-nin prezidenti Kairgeldi Kabıldinin bir müddət əvvəl dediyi kimi, bu gün Rompetrol neft məhsulları və neft-kimya istehsalının tam silsiləsinə və Avropada geniş yanacaqdoldurma şəbəkəsinə malikdir.
Məqalə müəllifi ilə əlaqə ünvanı: [email protected]
