Azərbaycan, Bakı, 02 oktyabr / Trend , müxbir E.İsmayılov/
Yanvar-sentyabr aylarında Xəzər Boru Kəməri Konsorsiumunun (XBK) səhmdarları "Cənubi Ozereyka-2" terminalında 25,8 milyon ton CPC Blend nefti (202,2 milyon barel) yükləyib. 2008-ci ilin müvafiq dövrünə görə, bu göstərici 22,9 milyon ton (179 milyon barel) olub. Bu barədə XBK-nın mətbuat xidmətindən məlumat verilib.
Sentyabrda səhmdarlar tərəfindən 2,8 milyon tondan çox (22,4 milyon barelə yaxın) neft yüklənib. Keçən ilin müvafiq dövründə bu göstərici isə 2,4 milyon ton (18,5 milyon barel) olub.
2008-ci ildə XBK səhmdarları terminalda 31,5 milyon ton neft yükləyiblər ki, 2007-ci ildə bu göstərici 32,6 milyon ton olub.
CPC Blend neftinin sıxlığı 812,3 kq/kubmetr təşkil edir, tərkibində 0,53 faiz kükürd var.
Terminalda həcmlərin nəqli və yükləməni həyata keçirən XBK yükdaşıyıcıları bunlardır:
"Tengizşevroyl" - birinci bağlanmış müqavilələrdən biri - sistemin yüklənmə gücünün əsasını təşkil edən təchizat həcmini təmin edir;
"Arman" CPC - Oryx Caspian Pipeline LLC səhmdarı ilə əlaqəli yükgöndərən. Hazırda "Shell"-in mülkiyyətindədir;
"Embamunayqaz" və "Kazaxoyl-Aktobe". KTK - Kazakstan Pipeline Ientures LLC səhmdarları ilə əlaqəli yükgöndərən;
"CNPC-Aktobemunayqaz" - terminalda Qazaxıstan hökumətinin icazəsi ilə həcmin nəqli və yüklənməsini təmin edir;
"Litasko" - CPC-LUKARKO B.V.-nin əlaqəli yükgöndərən səhmdarı;
"Karaçaqanak Petroleum Opereytinq B.V." - "Tengizşevroyl"dan sonra nəql olunan neftin ikinci yükgöndərəni, KTK səhmdarları ilə əlaqəli;
"NaftaTrans" QSC və onunla əlaqəli şirkətlər Rusiya Federasiyasının icazəsi ilə Rusiyanın neft istehsalçılarının neftini KTK-yə çatdırır.
Məqalə müəllifi ilə əlaqə ünvanı: [email protected]
