Azərbaycan, Bakı, 21 oktyabr / Trend /
Azərbaycanın dəniz və quru yataqlarında əməliyyatların aparılması üçün yanvar-avqust aylarında 79 min tona yaxın metal borular idxal edilib ki, bu göstərici də keçən ilin müvafiq dövrü ilə müqayisədə 44,1 faiz azdır.
"Göstərilən dövrdə 151 milyon dollara yaxın məbləğdə boru idxal edilib, bu göstərici 2008-ci ilin müvafiq dövrü ilə müqayisədə 8,4 faiz azdır", - Dövlət Statistika Komitəsindən məlumatında deyilir.
Dəniz və quru yataqlarında əməliyyatlar ARDNŞ (Azərbaycan Respublikası Dövlət Neft Şirkəti) tərəfindən aparılır. Şirkət Azərbaycanın neft-qaz yataqlarında həm sərbəst, həm də xarici şirkətlərlə birlikdə işlər aparır.
Azərbaycanda 57 neft-qaz yatağı var, bunlardan 18-i dənizdə yerləşir.
