Azərbaycan, Bakı, 22 oktyabr / Trend /
ARDNŞ "Palçıq Pilpiləsi" yatağında yeni quyu istismara verib. Bu barədə ARDNŞ-dən cümə axşamı yayılan məlumatda deyilir.
Quyunun dərinliyi 1689-1697 metr intervalındadır. Yeni quyunun sutkalıq debeti 18 ton (ildə 6,5 min ton) təşkil edir.
Quyunun qazılması işləri hələ 2007-ci ildə "Neft Daşları" Dəniz Qazma İşləri İdarəsi tərəfindən aparılıb. Lakin mənimsənilmə prosesi uzandığından quyu istismar fonduna daxil edilməyib. Bu günlərdə quyuda aparılan tikinti işləri başa çatıb və istismar fonduna daxil edilib.
ARDNŞ geoloqları tərəfindən "Neft daşları" və "Palçıq Pilpiləsi" yataqlarının ehtiyatları 30 milyon ton həcmində müəyyən edilib.