Azərbaycan, Bakı, 30 oktyabr / Trend , müxbir E.İsmayılov/
Hazırda Azərbaycanın "Şahdəniz" qaz-kondensat yatağında 4 quyunun gündəlik qaz hasilatı bu ayın əvvəlinə olan 16 milyon kubmetrə nisbətdə 17 milyon kubmetr təşkil edir. Bu barədə çərşənbə axşamı neft-qaz bazarındakı mənbədən bildirilib.
"İstismarda olan dörd quyudan hazırda 17 milyon kubmetrədək hasilat daşınır", - mənbədən deyilib.
Mənbədən deyildiyi kimi, hasilatın həcminin artırılması bilavasitə hava şəraitinin pisləşməsi nəticəsində istehlakın artması ilə əlaqədardır. İstehlakın artımı ilə yataqda qaz hasilatı da artırılacaq. Bu, hətta hazırda yataqdakı beş hasilat quyusundan birinin qeyri-işlək vəziyyətdə olmasından asılı olmayaraq da mümkündür.
Sentyabrın əvvəlində yatağın hasilatı proflaktik işlərin tətbiqi üçün tamamilə dayandırılıb. Çıxarılan platformanın təmiri zamanı lazımi təhcizat tətbiq edilib və sentyabrın sonunda platformadan hasilat bərpa olunacaq. Platformanın quraşdırılması ilə əlaqədar "Cənubi Qafqaz" ("Bakı-Tbilisi-Ərzurum") qaz boru kəməri ilə qaz nəqlı dayandırılıb. Platformanın dayandırılmasına qədər mədənin hasilatı sutkada 14-15 milyon kubmetr təşkil edib.
"Şahdəniz" yatağından qaz-kondensatın sutkalıq hasilatı dörd milyon kubmetr təşkil edir.
"Şahdəniz" yatağındakı hasilatın bu ilə olan proqnozu 7,2 milyard kubmetr təşkil edir, bir müddət əvvəl BP (layihənin operatotu) hasilatı 7,7 milyard kubmetr səviyyəsində proqnozlaşdırmışdı. Hasilatın ən yuksək səviyyəsinə (8,6 - 9 milyard kubmetr) gələn il nail olunacaq.
"Cənubi Qafqaz" boru kəməri vasitəsilə Türkiyə və Gürcüstana qaz nəql olunub. Yay ərzində Azərbaycan "Şahdəniz" yatağından qaz əldə etməyib.
"Şahdəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ - 10 faiz. Bu yataqda ümumi qaz ehtiyatı 1,2 trln. kubmetr həcmində qiymətləndirilir.
Məqalə müəllifi ilə əlaqə ünvanı: [email protected]