Azərbaycan, Bakı, 05 dekabr / Trend /
ARDNŞ(Azərbaycan Respublikası Dövlət Neft Şirkəti) Bakı-Novorosiysk boru kəməri vasitəsilə yanvar-noyabrda, ötən ilin anoloji dövründə nəql edilmiş 1,11 milyon tona nisbətdə 2,34 milyon ton neft nəql edib. Bu barədə, ARDNŞ-ın məlumatında deyilir.
Ümumilikdə noyabr ayında Bakı-Novorosiysk boru kəməri vasitəsilə təxminən 238,7 min ton neft nəql edilib.
ARDNŞ, 2009-cu ildə, Bakı-Novorosiysk boru kəməri vasitəsilə neft nəqlini 2008-ci ildəki 1,3 milyon tona nisbətdə 2,5 milyon tonadək artırmaq niyyətindədir.
2007-ci ildə bu marşrutla təxminən 1,2 milyon ton neft ixrac edilib. 2006-cı ildə də eyni həcmdə neft ixrac edilib.
ARDNŞ Bakı-Novorosiysk boru kəməri vasitəsilə öz yataqlarından hasil edilən nefti, və həmçinin də Azərbaycanın quru ərazilərində işləyən Birgə Müəssisələrin və Əməliyyat Şirkətlərinin neftini nəql edir.
