Azərbaycan, Bakı, 15 yanvar / Trend /
2009-cu ildə ARDNŞ-nin Kompleks Qazma İşləri Tresti 71 quyu qazıb və istismara verib. Bu barədə ARDNŞ-dən cümə günü yayılan məlumatda deyilir.
Bu yüksəkdebitli neft və qaz quyularının böyük hissəsi "Günəşli", "Neft Daşları", "Qumdəniz" və "Cəfərli" yataqlarında istismara verilib.
Keçən il 73 quyunun qazılmasına başlanılıb. Bunlardan 8-i qaz, qalanları isə neft quyusu olub.
2009-cu ildə trest tərəfindən 147,8 min metrdən artıq qazma işləri görülüb. Proqnozlaşdırılan göstərici isə 147,4 min metr olub.
Trest hazırda 21 quyunun qazılmasını həyata keçirir.