Azərbaycan, Bakı, 04 fevral / Trend , müxbir S.Əliyev/
Qazaxıstanın "Tengiz" yatağının operatoru "Tengizşevroyl" şirkəti "Bakı-Tbilisi-Ceyhan" (BTC) boru kəməri ilə neft nəqlini dayandırıb. Bu barədə cümə axşamı neft-qaz bazarındakı mənbə bildirib.
"Şirkət BTC ilə neft nəqlini dayandırıb və çox güman ki, nəqli il əzrində bərpa etməyəcək", - mənbə deyib.
Onun sözlərinə görə, əvvəllər BTC ilə nəql edilən neftin hamısı hazırda Azərbaycan ərazisi vasitəsilə dəmiryolla Gürcüstanın Batumi Qara dəniz Neft Terminalına göndərilir.
Digər mənbənin sözlərinə görə, "Tengiz" yatağından neftin ötürülməsi tariflər və nəqliyyat üzrə razılığın olmamasından dayandırılıb.
2009-cu ildə "Tengiz" yatağından BTC ilə 1,9 milyon ton neft nəql edilib. 2008-ci ilin oktyabr-dekabr aylarında isə 285,1 min ton Qazaxıstan nefti nəql olunub.
BTC boru kəmərinin ümumi uzunluğu 1768 kilometrdir. Bunun 443 kilometri Azərbaycan,
BTC Co-nun səhmdarları aşağıdakılardır: bp (30,1 faiz); AzBTC (25 faiz); Chevron (8,90 faiz); Statoil (8,71 faiz); ТРАО (6,53 faiz); Eni (5 faiz); Total (5 faiz); Itochu (3,40 faiz); Inpex (2,50 faiz); ConocoPhillips (2,50 faiz) və Amerada Hess (2,36 faiz).
