Azərbaycan, Bakı, 06 fevral / Trend , müxbir E.İsmayılov/
Mingəçevir Dövlət Rayon Elektrik Stansiyasından (DRES) yüksəkvoltlu elektrik ötürücü xətlər vasitəsilə elektrik verilişi tamamilə bərpa edilib. Bu barədə şənbə günü "Azərenerji" SC-nin (Azərbaycanda elektrik enerjisi istehsalı və paylanılması) mətbuat xidmətindən deyilib.
"Yüksəkvoltlu xətlərdə müşahidə olunan bütün problemlər aradan qaldırılıb və hazırda xətlər vasitəsilə enerji verilişi tamamilə bərpa olunub", - SC-dən deyilib.
"Bakıelektrikşəbəkə" ASC-dən (Bakı rayonlarında elektrik satışı və paylanması) əvvəl bildirildiyi kimi, SC bu günün sonuna kimi paytaxt əhalisinin 95 faizini elektrik enerjisi ilə təmin edəcək.
Hazırda "Bakıelektrikşəbəkə" Sabunçu və Əhmədli, o cümlədən şəhərin Binəqədi rayonundakı hava xətlərində mövcud olan problemi aradan qaldırır.