Azərbaycan, Bakı, 09 fevral / Trend /
ARDNŞ yanvar ayında Bakı-Supsa qərb boru kəməri marşrutu ilə Azəri-Çıraq-Günəşli yataqlarından çıxarılan 326,2 min tona yaxın yüngül Azərbaycan nefti ixrac edib. Keçən ilin yanvar ayında bu göstərici 287,1 min tona yaxın olub. Bu barədə ARDNŞ-in Marketinq və İqtisadi Əməliyyatlar idarəsinin məlumatında deyilir.
ARDNŞ keçən il ümumilikdə Bakı-Supsa neft kəməri ilə 2,8 milyon tona yaxın neft ixrac edib. 2008-ci ildə bu göstərici 407,1 min ton olub.
Boru kəməri 2006-cı ilin sonunda təmirə dayandırılıb. 2008-ci ilin ortalarında bu boru kəmərinə neft doldurulsa da gürcü-osetin münaqişəsi səbəbindən bu proses dayandırılıb. 2008-ci ilin noyabr ayının əvvəlində bu boru kəməri ilə neft nəqli bərpa edilib.
Bakı-Supsa boru kəmərinin operatoru BP şirkətidir.