Azərbaycan, Bakı, 9 mart / Trend /
ARDNŞ (Azərbaycan Respublikası Dövlət Neft Şirkəti) cari ilin yanvar-fevral aylarında ölkənin dövlət büdcəsinə 167,687 milyon manat vəsait ödəyib ki, bu da ötən ilin analoji dövründəki göstəricidən 121,148 milyon manat (3,6 dəfə) çoxdur. Bu barədə şirkətin çərşənbə axşamı yayılan məlumatında deyilir.
Cari ilin yanvar-fevral aylarında şirkət tərəfindən Dövlət Sosial Müdafiə Fonduna ödəniş 17,103 milyon manat təşkil edib ki, bu da ötən ilin müvafiq dövrü ilə müqayisədə 1,341 milyon manat çoxdur.
