Azərbaycan, Bakı, 7 aprel /Trend, müxbir E.İsmayılov/
Azərbaycanın sənaye və energetika naziri Natiq Əliyevin aprelin 10-14-də Buxarestə səfəri zamanı Azərbaycan, Rumıniya və Gürcüstan arasında "Qaz təminatı sahəsində əməkdaşlıq haqqında" qarşılıqlı anlaşma haqqında memorandum imzalanacaq. Bunu çərşənbə günü Azərbaycan Sənaye və Energetika Nazirliyinin mətbuat xidmətinin rəhbəri Azər Mənsimli deyib.
İmzalanma Rumıniya İqtisadiyyat, Ticarət və Biznes Mühiti Nazirliyi, Azərbaycan Sənaye və Energetika Nazirliyi və Gürcüstan Energetika Nazirliyi arasında imzalanacaq.
Bu gün Gürcüstanın Qara dəniz sahilində (ARDNŞ Kulevidə neft terminalına sahibdir) Azərbaycan qazının emalı üzrə terminalın inşası və qazın Avropanın daxili qaz-nəqliyyat şəbəkəsi üzrə gələcək göndərişi üçün Rumıniyaya və ya Bolqarıstana nəqli məsələsi nəzərdən keçirilir. Layihəyə iki istiqamətdə baxılır - LNG və CNG. Birinci, qazın mayeləşdirilməsi üzrə zavodun inşası, ikincisi, qazın mayeləşdirilməsi üçün bilavasitə gəmiyə çatdırılmasıdır. Bu layihə çərçivəsində söhbət 7-20 milyard kubmetr qazdan gedir.
Bundan əvvəl ARDNŞ-in rəhbəri Rövnəq Abdullayev bldirib ki, öz qazının Gürcüstanın Qara dəniz sahilindən ixracı layihəsinin texniki-iqtisadi əsaslandırılmasının hazırlanması niyyəti var. "TİƏ-nin hazırlanması bizə daha sərfəli variantı (qazın Qara dəniz vasitəsilə ixracı) müəyyən etməyə imkan verəcək. Bizim bir neçə variantımız var, onların sırasında LNG ixracı, CNG ixracı var. Həmçinin, Türkiyə ərazisi ilə tranzit imkanları var. Bu variantların müxtəlifliyi bizə daha düzgün yolu seçməyə imkan verəcək", - bildirib.
Abdullayevin sözlərinə görə, Qara dəniz vasitəsilə qazın ixracına dair layihənin reallaşmasında Rumıniya və Bolqarıstan maraqlıdır. Hazırda hər iki tərəflə iş aparılır.
