Gürcüstan, Tbilisi, 12 may /Trend, müxbir N.Kirsxaliya/
Mayın 12-də Tbilisidə Azərbaycandan maye qazın Avropaya nəqli üzrə Gürcüstan - Azərbaycan - Rumıniya layihəsinin reallaşdırılması məsələsi üzrə iclas keçiriləcək.
Gürcüstanın Energetika Nazirliyindən Trend-ə verilən məlumata görə, iclasda Azərbaycanın energetika naziri Natiq Əliyev, Gürcüstanın energetika naziri Aleksandr Xetaquri və Rumıniyanın iqtisadiyyat, ticarət və biznes naziri Adrean Vidianu iştirak edəcəklər.
İclas Tbilisinin "Tbilisi Meriott" mehmanxanasında - saat 12:00-da çar Miriana zalında keçiriləcək.
Tərəflər üç ölkənin Buxarestdə imzaladığı memorandumun həyata keçirilməsi məsələsini müzakirə edəcəklər. Sənəd Azərbaycandan maye qazın Gürcüstan ərazisi ilə çatdırılmasını, bunun üçün Gürcüstan və Rumıniyada maye qaz istehsalı üzrə iki zavodun tikintisini nəzərdə tutur.
Gürcüstanın Energetika Nazirliyindən Trend-ə verilən məlumata görə, Tbilisidəki görüş zamanı nazirlər iterkonektor layihəsinin reallaşdırılması üzrə birgə şirkətin yaradılması məsələsinə baxacaqlar.
Aprelin 13-də Buxarestdə Azərbaycan, Gürcüstan və Rumıniya tərəfindən "Maye qazın nəqli sahəsində əməkdaşlıq haqqında" memorandum imzalanıb.