Azərbaycan, Bakı, 3 iyun /Trend, müxbir N.İsmayılova/
Avropaya gələcəkdə sabit qaz tədarükçüsü tətləb olunur və ona görə də yanacağın bu növünün şaxələndirilmiş mənbələrini tapmaq vacibdir. Bu barədə Avstriyanın OMV şirkətinin dünya qaz ixracı üzrə rəhbəri Luka Dela Qatta belə hesab edir.
"Avropada daxili istehsalda (qaz) azalma müşahidə olunur və biz Xəzər regionu və başqaları kimi başqa imkanları (idxal) nəzərdən keçirməliyik", - deyə "Nabucco"qaz kəməri layihəsinin operatoru olan OMV şirkətinin rəsmi nümayəndəsi bildirib.
Onun sözlərinə görə, Xəzər regionu qaz ehtiyatları baxımından daha cəlbedici görünür.
"Daxilı istehsalın (Avropada qazın) aşağı düşməsi ilə Xəzər regionunun əhəmiyyəti artır, çünki burada iri ehtiyatlar var", - Qatta deyib.
