Azərbaycan, Bakı, 7 iyun /Trend, müxbir E.İsmayılov/
31 may-4 iyun həftəsində CIF liman Augusta şərtləri ilə Azərbaycanın Gürcüstanın Supsa, Batumi və Türkiyənin Ceyhan limanları vasitəsilə satdığı AZERI LT (CIF) növlü neftinin orta qiyməti $75/barel təşkil edib. Bu, ötən həftənin orta qiymətindən $2,4/barel çoxdur.
31 may-4 iyun həftəsində AZERI LT-nin maksimum qiyməti $75,56/barel, minimum isə $73,88/barel təşkil edib.
"Azeri Light"ın API üzrə qatılığı 34,6 dərəcə, kükürdün miqdarı isə 0,14 faizdir.
31 may-4 iyun həftəsində Azərbaycanın Novorossiysk limanından satdığı URALS (EX-NOVO) növlü neftinin orta qiyməti $71,54/barel təşkil edib ki, bu da ötən həftənin orta qiymətindən $2,74/barel çoxdur.
31 may-4 iyun həftəsində URALS-ın maksimum qiyməti $72,13/barel, minimum isə $70,33/barel olub.
URALS-ın API üzrə qatılığı 32 dərəcə təşkil edir. Kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir.
31 may-4 iyun həftəsində "Brent Dated" növünün orta qiyməti $73,08/barel təşkil edib ki, bu da əvvəlki həftənin orta qiymətindən $2, 4 /barel çoxdur.
31 may-4 iyun həftəsində "Brent Dated"in maksimum qiyməti $73,76/barel, minimum isə $71,85/barel olub.
"Brent Dated"in API üzrə qatılığı 38,3 dərəcə, kükürdün miqdarı isə 0,36 faizdir.