Azərbaycan, Bakı, 8 iyun /Trend/
İranın Dövlət Neft-Qaz Şirkəti və "Petro Pars" şirkəti "Cənubi Pars" qaz yatağının 27-ci və 28-ci fazalarının işlənməsinə dair müqavilə imzalayacaqlar. Bunu "Petro Pars" şirkətinin baş direktoru Qulamrza Mənuçöhri deyib. Məlumatı FARS informasiya agentliyi yayıb.
Onun sözlərinə görə, hər fazanın gücü sutkada üç milyard kubfuta yaxın qazdır. Bu qaz bütün ölkənin qaz şəbəkəsinə veriləcək. O həmçinin deyib ki, bu iki fazada gündə 80 min barel kondensat alınacaq. Layihənin qiyməti və imzalanma tarixi hələlik məlum deyil.