...

ARDNŞ-in Ekologiya İdarəsi işlənmədə olan neft və qaz yataqlarında aparılan kəşfiyyat və istismar proseslərinin ətraf mühitə təsirini qiymətləndirmək məqsədilə monitorinqlər aparır

Energetika Materials 18 İyun 2010 15:40 (UTC +04:00)
ARDNŞ-in Ekologiya İdarəsi işlənmədə olan neft və qaz yataqlarında aparılan kəşfiyyat və istismar proseslərinin ətraf mühitə təsirini qiymətləndirmək məqsədilə dəniz və qurudakı yataqlarda mütəmadi monitorinq işləri aparır, - cümə günü ARDNŞ-dən yayılan məlumatda deyilir.

Аzərbaycan, Bakı, 18 iyun /Trend, müxbir Ü.İsmayılova/

ARDNŞ-in Ekologiya İdarəsi işlənmədə olan neft və qaz yataqlarında aparılan kəşfiyyat və istismar proseslərinin ətraf mühitə təsirini qiymətləndirmək məqsədilə dəniz və qurudakı yataqlarda mütəmadi monitorinq işləri aparır, - cümə günü ARDNŞ-dən yayılan məlumatda deyilir.

İyunun əvvəllərindən etibarən "N.Nərimanov" adına neft-qaz hasilatı idarəsinin "Səngəçal-Divannı-Xara-Zirə" yataqlarında ilk mövsümi dəniz monitorinqləri başlayıb.

İlkin monitorinq dövründə kimyəvi, mikrobioloji, fitoplankton, zooplankton, bentos təhlillərin aparılması üçün, ümumilikdə, 300-ə yaxın nümunə götürülmüş və idarənin kompleks tədqiqat laboratoriyasına təhvil verilmişdir. Hazırda nümunələr üzərində laborator təhlillər aparılır.

Kəşfiyyatların nəticələrinə uyğun olaraq, ilkin nəticə əldə ediləcək, ikinci analizdən sonra isə payızda son hesabatın işlənib-hazırlanması planlaşdırılır.

Yekun hesabatda yatağın geoloji quruluşu, buradakı hidrometeoroloji şərait (iqlim, havanın temperaturu, küləklər, buludluluq, rütubətlilik, yağıntılar, dumanlar, axınlar və dalğalar), infrastruktur (özüllər, quyular, neft və qaz kəmərləri) haqqında, suyun və dib çöküntülərinin təhlili, mikrobioloji, hidrobioloji və ixtioloji tədqiqatlara dair ətraflı məlumat öz əksini tapacaq.

Bioloji tədqiqatların ümumi nəticələrinə əsasən, Xəzər dənizində yem zəncirinin müsbət və ya mənfi istiqamətlərdə dəyişilməsinə dair müqayisələr aparılacaq.

Xəbər lenti

Xəbər lenti