Azərbaycan, Bakı, 18 iyun /Trend/
Yanvar-may aylarında Azərbaycan "Şahdəniz" yatağından bir milyard kubmetr həcmində qaz əldə edib. 2009-cu ilin analoji dövründə bu göstərici 677 milyon kubmetr təşkil edib. Bu barədə ARDNŞ-dən məlumat verilib.
Yanvar-mayda alınan ümumi həcmdən 255,2 milyon kubmetr ARDNŞ-nin "Şahdəniz" layihəsində iştirak payına düşüb, qalan 741,8 milyon kubmetr qaz isə ARDNŞ tərəfindən alınıb.
"Şahdəniz" dəniz yatağının işlənməsinə dair müqavilə 1996-cı il iyunun 4-də imzalanıb. Sazişin iştirakçıları: BP (operator) - 25,5 faiz, Statoil - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ - 10 faiz.
Hazırda qaz Cənubi Qafqaz qaz kəməri ilə Gürcüstana və Türkiyəyə nəql olunur.
Bu il yataqda 7,84 milyard kubmetr qaz hasilatı nəzərdə tutulub. Yataqda hasilatın ən yüksək həddi 8,6-9 milyard kubmetr həcmində nəzərdə tutulur. Proqnozlara görə, yatağın işlənməsinin ikinci mərhələsi çərçivəsində qaz hasilatının həcmini ildə 20 milyard dollara qədər artırmaq mümkün olacaq.