Azərbaycan, Bakı, 13 iyul /Trend/
ARDNŞ-nin Gürcüstandakı törəmə müəssisəsi "SOCAR Georgia Petroleum" MMC çərşənbə axşamı "SOCAR" brendi ilə daha üç yanacaqdoldurma məntəqəsi açıb. Bu barədə ARDNŞ-nin məlumatında deyilir.
Yanacaqdoldurma məntəqələri Qori şəhərində, Kutaisi rayonunun Kvitiri qəsəbəsində və Xaşuri rayonunda açılıb.
Üç yeni yanacaqdoldurma məntəqəsinin istismara verilməsi ilə "SOCAR" brendi ilə fəaliyyət göstərən məntəqələrin sayı 37-yə çatıb.
Yanacaqdoldurma məntəqəsinin açılışında SOCAR Georgia Petrolium-un rəhbərliyi və Gürcüstan hökumətinin nümayəndələri iştiark ediblər.
"SOCAR Georgia"nın həmtəsisçiləri: ARDNŞ - 51 faiz, Petro-Trans FZCO - 24,5 faiz və Vano Çxartişvili - 24,5 faiz.