Azərbaycan, Bakı, 12 avqust /Trend, müxbir E.İsmayılov/
ARDNŞ (Azərbaycan Dövlət Neft Şirkəti) Xəzərin Azərbaycan sektorundakı "Ümid" perspektivli strukturunda kəşfiyyat quyusunun qazılmasının növbəti mərhələsinə keçid üçün hazırlıq işləri görməyə başlayıb. Bu barədə cümə axşamı ARDNŞ-dəki mənbə məlumat verib.
Onun sözlərinə görə, layihə dərinliyi 6500 metr olan quyu 5002 metrədək qazılıb.
Yeni quyunun qazılması prosesinin başa çatdırılması bu ilin sonu - gələn ilin əvvəllərinə planlaşdırılıb.
Mənbənin dediyi kimi, ötən yüzilliyin 80-90-cı illərinin əvvəllərində strukturda kəşfiyyat qazması həyata keçirilib. Üzən qazma qurğu vasitəsilə doqquz quyu qazılıb.
Kəşfiyyat quyusunun qazılması ARDNŞ tərəfindən "Ümid-1" platformasında aparılır. O, tikintisi başa çatmayan "Çıraq-6" platformasının bazasında tikilməklə, proqram çərçivəsində ən iri obyektdir. Onun uzunluğu 72 metrdir. Platforma "Bulla-dəniz" dəniz yatağının 15 kilometrliyində və 58 metrlik dərinliyində yerləşir. Orada, ümumilikdə, 6 qaz quyusunun qazılması planlaşdırılıb.
Bu, ARDNŞ-in son 15 ildə müstəqil həyata keçirdiyi ilk kəşfiyyat qazmasıdır. "Ümid" strukturunun mümkün ehtiyatları ARDNŞ geoloqları tərəfindən 200 milyard kubmetr qaz və 30 milyon ton kondensat həcmində dəyərləndirilir.
"Ümid" ARDNŞ-in onun hesabına öz qaz ehtiyatalrını artırmaq niyyətində olduğu perspektivli strukturlardan biridir.
