...

bp şirkəti profilaktik işlərdən sonra, "Şahdəniz" yatağında quyunu istismara verib

Energetika Materials 13 Avqust 2010 19:32 (UTC +04:00)

Azərbaycan, Bakı, 13 avqust /Trend, müxbir E.İsmayılov/

Azərbaycanın "Şahdəniz" dəniz qaz kondensatı yatağı layihəsinin texniki operatoru olan bp şirkəti yataqda yerləşən və əvvəllər profilaktik işlərə görə buraxılan dəniz platformasında quyunu istismara verib. Bu barədə cümə günü neft-qaz bazarındakı mənbə deyib.

"Əvvəllər quyudan hasilat profilaktik işlərin aparılması üçün dayandırılmışdı, lakin indi o artıq istismara verilib", - mənbə bildirib.

Onun sözlərinə görə, hazırda yataqda hasilat həcmi tədricən quyu dayanmamışdan əvvəlki vəziyyətə gəlir (sutkada 20 milyon kubmetrə yaxın). Bununla əlaqədar Azərbaycanın qaz anbarlarına qazın vurulmasının əvvəlki həcmi bərpa edilir (sutkada 10 milyon kubmetr) və "Bakı-Tbilisi-Ərzurum" qaz kəməri ilə Türkiyəyə qaz tədarükünün həcmi artırılır.

"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: bp (operator) - 25,5%, "Statoil" - 25,5%, NICO - 10%, "Total" - 10%, "LukAgip" - 10%, TPAO - 9%, ARDNŞ - 10%. "Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.

İndi qaz Cənubi Qafqaz qaz kəməri ilə Gürcüstan və Türkiyəyə nəql edilir.

Yatağın işlənməsinin birinci mərhələsi çərçivəsində hasilatın ən yüksək həddi 8,6-9 milyard kubmetr səviyyəsində proqnozlaşdırılır. Proqnozlara görə, yatağın işlənməsinin ikinci mərhələsi çərçivəsində qaz hasilatı həcmini ildə daha 25 milyard kubmetrədək çatdırmaq mümkün olacaq.

Xəbər lenti

Xəbər lenti