Gürcüstan, Tbilisi, 23 avqust /Trend, müxbir N.Kirsxaliya/
Hökumət magistral qaz kəmərini satmağa hazırlaşmır. Bu barədə Gürcüstanın energetika naziri Aleksandr Xetaquri bildirib.
"Neft və Qaz Korporasiyası səhmlərinin London birjasında yerləşdirilməsi mümkündür. Satmağa gəldikdə isə, Gürcüstan heç bir magistral qaz kəmərini satmağa hazırlaşmır", - Xetaquri bu gün hökumətin iclasından sonra jurnalistlərə bildirib.
ARDNŞ-in (Azərbayacn Dövlət Neft Şirkəti) Gürcüstanın enerji layihələrində iştirakda maraqlı olması barədə şirkətin prezidenti Rövnəq Abdullayev məlumat vermişdi. Onun sözlərinə görə, ARDNŞ qonşu ölkələrdə, o cümlədən, Gürcüstandakı bütün enerji layihələri ilə maraqlanır.