Аzərbaycan, Bakı, 2 sentyabr /Trend/
Latviyanın "Morinjgeologiya" və ARDNŞ-nin (Azərbaycan Dövlət Neft Şirkəti) Geofizika və Geologiya İdarəsi arasında imzalanan müqaviləyə əsasən, avqustda Geoloji Kəşfiyyat və Topoqrafiya İdarəsi Xəzər dənizinin Rusiya sektorunun "Sarmat" sahəsində mühəndis-geoloji qazma işləri aparıb. Bu barədə Geofizika və Geologiya İdarəsindən verilən məlumatda deyilir.
Məlumatda deyildiyi kimi, 466 metr həcmində qazma işləri "Zöhrab Vəliyev" mühəndis-geoloji gəmisi vasitəsilə aparılacaq.
ARDNŞ mənbəsindən verilən məlumata görə, Xəzərin Rusiya sektorunda perspektivli strukturlarda işlərin həyata keçirilməsi bu il imzalanmış müqavilə çərçivəsində aparılır.
ARDNŞ ticari əsaslarda müqavilələr çərçivəsində mərhələlər üzrə digər Xəzəryanı ölkələrə xidmətlər göstərir.
İlin əvvəlindən bəri idarə tərəfindən "Xərə-Zirə", "Babək", "Bulla-dəniz", "Ağburun-dəniz","Qərbi Abşeron", "Neft Daşları", "Günəşli", "Dənizkənarı bulvar" sahələrində 3 172 metr həcmində mühəndis-geoloji işləri aparılıb."Qoşadaş-Ağburun" sahələrində 1230,5 kilometr həcmində seysmoakustik profilləmə həyata keçirilib, həmçinin, sahədə planlaşdırma (1 280 kilometr) üzrə işlər aparılıb.
İşlər "Z.Vəliyev", "Ə.Əmirov", "M.Süleymanov", "Geofizik-2" və "Orion-7" gəmiləri vasitəsilə həyata keçirilib.
