Azərbaycan, Bakı, 15 sentyabr /Trend, müxbir E.İsmayılov/
Neft istehsalçılarının məhsulu Azərbaycan vasitəsilə nəql etmək istəyi ilə Bakı-Novorossiysk və Bakı-Supsa neft kəmərlərinin gücü ildə müvafiq olaraq 17 və 10 milyon tona qədər artırıla bilər. Bu barədə Azərbaycan Sənaye və Energetika Nazirliyinin neft və qaz şöbəsinin müdir müavini Eldar Şiriyev bildirib.
"Hazırda Bakı-Novorossiysk neft kəmərinin gücü altı milyon, Bakı-Supsa neft kəmərinin gücü isə beş milyon ton təşkil edir", - Şiriyev deyib.
Onun sözlərinə görə, hazırda Bakı-Novorossiysk neft kəməri ilə (operatoru Azərbaycan Rrespublikası Dövlət Neft Şirkəti) ARDNŞ-nin xüsusi yataqlarında, həmçinin Azərbaycanın quru yataqlarında birgə müəssisələr və əməliyyat şirkətlərinin hasil etdiyi neft nəql olunur.
Bakı-Supsa neft kəməri ilə (operatoru Azərbaycan Beynəlxalq Əməliyyat Şirkəti - AIOC) Xəzərin "Azəri-Çıraq-Günəşli" dəniz yataqlar blokunda hasil edilən neft nəql olunur.
Üçüncü tərəfin neft hasilatı perspektivində neft həmin boru kəmərləri ilə nəql oluna bilər. Buna müvafiq olaraq onların gücünün artırılması vacibdir ki, bu da boru kəmərlərinin bərpası və əlavə kompressorların qurulması üzrə işlər sayəsində mümkün olacaq.
Şiriyev Azərbaycan ərazisi vasitəsilə Qazaxıstan və Türkmənistan neftinin nəqli imkanlarını vurğulayıb.