Аzərbaycan, Bakı, 24 noyabr /Trend, müxbir E.İsmayılov/
Polşa azərbaycanlı sərmayədarlara energetika sahəsində Polşa müəssisələrinin özəlləşdirilməsi layihəsində iştirak etməyi təklif edir. Bu barədə Bakıda Polşa baş nazirinin müavini, iqtisadi inkişaf naziri Voldemar Pavlyak iqtisadi əməkdaşlıq üzrə Azərbaycan-Polşa hökumətlərarası komissiyasının iclasının yekunlarına dair bəyan edib.
Onun sözlərinə görə, özəlləşdirilməyə çıxarılan müəssisələrin siyahısında neft sahəsində fəaliyyət göstərən şirkətlər də var. Buna misal olaraq o, "Lotos" şirkətlər qrupunun adını çəkib.
"Biz azərbaycanlı sərmayədarları, xüsusuilə də ARDNŞ-ni, onun strateji planları ilə uyğun gələrsə, bu layihələrə maraq göstərməyə dəvət edirik", - Pavlyak bildirib.
Özəlləşdirilməyə çıxarılan müəssisələrin siyahısına bir neçə yüz şirkət daxildir.
