Azərbaycan, Bakı, 14 fevral /Trend/
2011-ci ilin yanvarında Azərbaycanda 4,1 milyon tona yaxın neft və qaz-kondensat hasil edilib. Bu, 2010-cu ilin yanvarındakı neft və qaz-kondensat hasilatından 3,8 faiz azdır. Bu barədə bazar ertəsi Dövlət Statistika Komitəsindən məlumat verilib.
2010-cu ildə ümumilikdə Azərbaycanda 50,83 milyon ton neft hasil edilib.
Ötən il hasilatın əas həcmi xarici tərəfdaşlarla birgə işlənilən "Azəri-Çıraq-Günəşli" neft-qaz yataqlar blokunun və "Şahdəniz" qaz-kondensat yatağının payına düşüb.
2011-ci ilin yanvarında Azərbaycanda qaz hasilatı 2,04 milyard kubmetr təşkil edib. Bu, 2010-cu ilin yanvarındakından 10,7 faiz azdır.
Ötən il respublikada 26,23 milyard kubmetr qaz hasil edilib. Bunun 16,67 milyardı əmtəə qazının payına düşüb.
Yanvarda Azərbaycanda 1,86 milyard kilovat-saat elektrik enerjisi istehsal edilib. Bu, 2009-cu ilin yanvarındakı göstəricidən 0,5 faiz azdır.