Azərbaycan, Bakı, 18 fevral /Trend/
Yanvar ayında ARDNŞ (Azərbaycan Respublikası Dövlət Neft Şirkəti) Azərbaycan əhalisinə 241,8 milyon kubmetrə yaxın qaz verib. Ötən ilin analoji dövründə bu göstərici 256,3 milyon kubmetr olub. Bu barədə cümə günü ARDNŞ-nin məlumatında deyilir.
Şirkət sənaye müəssisələrinə 105 milyon kubmetr qaz göndərib. Ötən ilin analoji dövründə sənaye müəssisələrinə 91,8 milyon kubmetr qaz verilib.
Kommunal büdcə müəssisələrinə 37,5 milyon kubmetr qaz verilib. Ötən ilin analoji dövründə bu göstərici 41,2 milyon kubmetr olub.
Eləcə də yanvarda şirkət tərəfindən Naxçıvan Muxtar Respublikası Dövlət Enerji Agentliyinə 38,3 milyon kubmetr qaz verilib. Ötən ilin yanvarında bu göstərici 8 milyon kubmetr olub.
Bundan əvvəl ölkə daxilində bütün qaz əməliyyatları "Azəriqaz" QSC tərəfindən həyata keçirilirdi. 2009-cu ilin iyununda "Azəriqaz" QSC İstehsalat Birliyi qismində ARDNŞ-nin tərkibinə daxil edilib.
